സ്കൂള്‍ വാഹനം ഉദ്ഘാടനം

ഇനി യാത്ര സ്വന്തം വാഹനത്തില്‍

ഉജാറുള്‍വാര്‍ സ്കൂളിന്റെ വാഹന സ്വപ്നം യാഥാര്‍ത്ഥ്യമായി.20-09-14  ശനിയാഴ്ച നടന്ന ചടങ്ങില്‍ മഞ്ചേശ്വരം എം.എല്‍.എ.ശ്രീ.അബ്ദുല്‍ റസാഖ്, പി.ടി.എ പ്രസിഡന്റിന് താക്കോല്‍ നല്‍കി വാഹനത്തിന്റെ ഉദ്ഘാടനം നിര്‍വഹിച്ചു.തുടര്‍ന്ന്  അദ്ദേഹം ബായ്ക്കട്ട വരെ വാഹനം ഓടിക്കുകയും ചെയ്തു.ചടങ്ങില്‍ കുമ്പള ഗ്രാമ പഞ്ചായത്ത് പ്രസിഡന്റ് ശ്രീമതി താഹിറ ,സ്റ്റാന്റിങ് കമ്മിറ്റി ചെയര്‍മാന്‍ യൂസഫ് ഉളുവാര്‍,ശ്രീ മഞ്ചുനാഥ ആള്‍വ ,തുടങ്ങിയവര്‍ പങ്കെടുത്തു.തുടര്‍ന്ന് മധുര വിതരണവും നടന്നു.
          2012-ലാണ് കുട്ടികളുടെ യാത്രാ സൗകര്യത്തിനു വേണ്ടി വാടകയ്ക്ക് ജീപ്പ് ഏര്‍പ്പെടുത്തിയത്.കുട്ടികളില്‍ നിന്ന് നാമ മാത്രമായ തുക വാങ്ങുകയും ബാക്കിവരുന്ന തുക പി.ടി.എ വഹിക്കുകയുമാണ് ചെയ്യുന്നത്.മാസം തോറും പതിനഞ്ചായിരത്തിലധികം രൂപ പി.ടി.എ ഇതിനു വേണ്ടി ചെലവാക്കുന്നുണ്ട്. എം.എല്‍.എ.ഫണ്ടില്‍ നിന്നാണ് സ്കൂളിന് വാഹനം അനുവദിച്ചത്.